Day 2 ✏ 名古屋 (Nagoya) ✈ 高山 (Takayama)

第日一早起身，個天色唔錯。八點幾我哋就出發去攞車，之前所講，租車公司就只有距離酒店五分鐘路程，所以非常方便。

今日行程主要係有名古屋一路揸車上去高山，以今晚下榻嘅酒店就位於高山。開頭蠢蠢嘅我哋唔記得咗set可以上高速公路，於是白行左一段local嘅路。兜兜轉轉行咗三個鐘先上到高山。不過沿途風景真係好靚，藍天綠樹，真係好舒服。

終於到達岐阜縣嘅高山，下午兩點鐘個肚已經不停打鼓。午餐嘅地點就係喺高山古川嘅坂口屋。坂口屋創立於明治23年,  坂口屋最出名嘅梗係食飛驒牛，我就點左個飛驒又定食，力就點左個飛驒牛味精有排

Day 1 ✏ 香港 (Hong Kong) ✈名古屋 (Nagoya)

由於今次機票係redeem ticket所以book到嘅時間係非常之差，絕對係晚機去早機返，咁即係話八日行程頭尾已經冇咗兩日。喺整整六日嘅行程裏邊，其實都真係幾pack。不過好彩我哋決定自駕遊，所以時間都係由自己決定。之但係因為咁，由於中間有啲行程都要揸幾耐車，所以都非常之攰。

起飛時因為黑雨嘅關係，所以班機延遲，所以原本九點去到名古屋，到達時已經差唔多11點。由於時間都唔早，所以好趕地坐左十一點十五分班列車出名古屋，出到去酒店都已經差唔多12點。其實一心諗住就算九點幾去到都要食返餐好嘅，但係12點幾已經冇乜可以選擇，大部份都已經關門大吉。所以最後都係食咗一碗牛肉飯，早早返去酒店休息預備聽日嘅行程。

呢一晚由於只係草草瞓一晚，所以決定揀近名鐵嘅Meitetsu New Grand酒店。呢間酒店價錢一般(¥8,600)，房間乾淨度都係一般，但係至在夠方便，由名鐵站行去大概十分鐘。亦都因為離開租車公司只有五分鐘嘅路程，所以決定揀呢間。

計劃中....

五月底八日七夜昇龍道行計劃中，先鎖定行程目的地，直飛名古屋，上飛驒高山，白川鄉，金澤，再返落名古屋一日遊，未去先興奮。酒店已book妥，最緊張最希望住到白川鄉合掌屋都經JapanGuestHouses.com確實，就開始買書上網搜尋旅遊地及食肆。

搜尋資料時得知合掌屋頗難預定，大部分都要親自打電話訂房，雖然日文還可以，但知道Japan Guest Houses有幫忙訂房服務，當然加以善用。流覽各blogger網頁加白川鄉觀光協會網站總括孫右工門及幸工門乃最為推介民宿，先試試訂孫右工門。可惜已經fully booked！好彩確定到幸工門，心都定一定。